समाचारसँग असहमत पक्षले नागरिक दैनिक र समाचार लेख्ने पत्रकारबिरुद्ध मानहानी मुद्दा दायर गरी क्षतिपूर्तिको माग गरेका छन् । एउटा नागरिकको अदालतमा जाने अधिकारको महासंघ सम्मान गर्दछ । तर, घटनाक्रम विश्लेषण गर्दा यो मुद्दा नियोजित रुपमा भ्रष्टाचारको खुलासा गर्ने कामलाई निरुत्साहित गर्ने, पत्रकारिता क्षेत्रमा त्रास सिर्जना गर्ने र सञ्चारमाध्यम तथा पत्रकारलाई क्षतिपूर्तिका नाममा आर्थिक क्षति पुर्‍याउने मनसाय रहेको हुनसक्ने देखिन्छ ।

सम्मानित अदालतमा दर्ता भएको मुद्दाका बारेमा नेपालको प्रचलित कानुन, प्रेस स्वतन्त्रताको विश्वव्यापी मान्यता र खोजी पत्रकारिताको मान्यतालाई सुरक्षित गर्ने गरी अदालतले फैसला गर्नेमा महासंघ विश्वस्त छ ।

प्रेस स्वतन्त्रता, पत्रकार आचारसंहिता र नेपाली पत्रकारिताको मौलिक चरित्रको जगमा उभिएर निर्भिकतापूर्वक खोजि पत्रकारितामा दृढतापूर्वक लागि रहन नेपाल पत्रकार महासंघ सबै पत्रकारहरुलाई आह्वान गर्दछ ।

.........................
रमेश विष्ट
महासचिव