मितिः २०८१।१०।०४
नेपाल पत्रकार महासंघका पूर्वअध्यक्ष एवं सार्वजनिक प्रसारण सेवा नेपालका अध्यक्ष डा.महेन्द्र विष्टलाई पितृशोक परेको दुःखद् खबरले नेपाल पत्रकार महासंघ स्तब्ध र दुःखी भएको छ । उहाँका ९१ वर्षीय पूजनीय पिता मानबहादुर विष्टको माघ ३ गते बिहीबार महाराजगञ्जस्थित त्रिभुवन शिक्षण अस्पतालमा निधन भएको हो । स्वर्गीय विष्टका महासंघ पूर्वअध्यक्ष डा. महेन्द्र विष्टसहित ५ छोरा र १ छोरी हुनुहुन्छ ।

नेपाल पत्रकार महासंघ स्वर्गीय पिताप्रति हार्दिक श्रद्धाञ्जली अर्पण गर्दछ र उहाँको आत्माको चिरशान्तिको कामना गर्दछ । साथै, शोकको यस घडीमा महासंघ पूर्वअध्यक्ष डा. महेन्द्र विष्टसहित शोकसन्तप्त परिवारजनमा धैर्यधारण गर्ने शक्ति प्राप्त होस भन्ने कामना गर्दै गहिरो समवेदना व्यक्त गर्दछ ।

रामप्रसाद दाहाल
महासचिव