मिति २०८१/१२/०९

प्रेस काउन्सिल नेपालका पूर्वअध्यक्ष वरिष्ठ पत्रकार माथवरसिंह बस्नेतको उपचारको क्रममा ७७ वर्षको उमेरमा निधन भएको दुःखद् खबरले नेपाल पत्रकार महासंघ स्तब्ध भएको छ । मस्तिष्कघात भएपछि उपचारका लागि माइतीघरस्थित अन्नपूर्ण न्यूरो अस्पतालमा भर्ना गरिएका बस्नेतको आज निधन भएको हो ।

पत्रकारिता क्षेत्रमा लामो समय योगदान दिनुभएका बस्नेत देशान्तर साप्ताहिकका संस्थापक सम्पादक हुनुहुन्थ्यो । बस्नेतले राष्ट्रिय समाचार समिति र गोरखापत्र संस्थानमा अध्यक्षको रुपमा रही सेवा गर्नुभएको थियो । बस्नेतको निधनले नेपाली पत्रकारिता जगत्‌ले एक योग्य, अनुभवी र परिपक्व पत्रकारलाई गुमाएको छ ।

नेपाल पत्रकार महासंघ स्वर्गीय बस्नेतप्रति भावपूर्ण श्रद्धाञ्जली अर्पण गर्दछ । र, दिवंगत आत्माको चिरशान्तिको कामना गर्दछ । साथै, शोकको यस घडीमा शोकसन्तप्त परिवारजनमा धैर्यधारणको कामनासहित गहिरो समवेदना प्रकट गर्दछ ।

रामप्रसाद दाहाल

महासचिव