नेपाल पत्रकार महासंघको ६४औं स्थापना दिवसका अवसरमा हुने प्रतियोगितात्मक कार्यक्रममा सहभागिताका लागि सूचना 

नेपाल पत्रकार महासंघ २०७५ चैत १६ गते आफ्नो स्थापनाको ६४ औं वर्षमा प्रवेश गर्दैछ । स्थापना दिवसलाई महासंघले विविध कार्यक्रमसहित चैत्र १३ देखि १६ गतेसम्म चार दिन देशभर मनाउने भएको छ । 
सो अवसरमा केन्द्रीय समितिको आयोजनामा चैत्र १३ देखि १६ गतेसम्म महासंघका पूर्व पदाधिकारी सम्मान, शाखा सम्मान र पूर्व अध्यक्षहरुसँग अन्तरसंवाद कार्यक्रमका साथै मैत्रीपूर्ण फुटसल प्रतियोगिता तथा पत्रकारले रिपोटिङका क्रममा भोगेका जोखिमपूर्ण अनुभव र चुनौतीको प्रस्तुतिसमेत आयोजना गरिएको छ । 
मैत्रीपूर्ण फुटसल तथा पत्रकारले रिपोर्टिङका क्रममा भोगेका जोखिमपूर्ण अनुभव र सामना गरेका चुनौती प्रस्तुति कार्यक्रममा भाग लिन चाहने सञ्चारमाध्यमका पत्रकारले यही चैत्र ११ गते भित्र नेपाल पत्रकार महासंघमा नाम दर्ता गराउनुहुन अनुरोध छ ।
मैत्रीपूर्ण फुटसल प्रतियोगितामा भाग लिने संस्था वा पत्रकारले ६ जनाको टिम बनाई नाम दर्ता गराउनु पर्नेछ । त्यस्तै समाचार प्रस्तुति कार्यक्रममा भाग लिन चाहने पत्रकारले सम्बन्धित विषयमा आफूले रिर्पोटिङ गरेको अनुभवसहितको बायोडाटा पेश गर्नुपर्नेछ ।
महासंघ स्थापना दिवसको अवसरमा हुने यी कार्यक्रममा सहभागिताका लागि सबै सञ्चारमाध्यम तथा सञ्चारकर्मी मित्रहरुमा हार्दिक अनुरोध गर्दछ ।

मिति : २०७५/१२/०७