महासंघ कास्की शाखाका अनुसार माघ २१ गते नेकपा विप्लव समुहको जनमुक्ति सेनामा कार्यरत रहेको बताउने निज व्यक्तिले दैनिकका प्रधान सम्पादक ज्ञवालीले आफ्नो फोन नउठाएको भन्दै प्रधानसम्पादक ज्ञवालीलाई विभिन्न किसिमका गालीगलौज र धम्की दिँदै पत्रिकाको कार्यालयलाई बमले उडाइदिनसक्ने भनेर धम्क्याएका थिए ।

कुनै पनि बहानामा पत्रकार र सञ्चारमाध्यमलाई यस किसिमले धम्क्याउनु आफैंमा निन्दनीय र प्रेस स्वतन्त्रताविरोधी काम हो । महासंघ घटनाको छानबिन गरी दोषीमाथि कानुनी कारबाहीको माग गर्दै प्रेस स्वतन्त्रतामाथि आघात पुग्ने यस्ता गतिविधि नियन्त्रणमा कडा कदम चाल्न र पत्रकार र सञ्चारमाध्यमको सुरक्षामा गम्भीर हुन स्थानीय प्रशासनको ध्यानाकर्षण गराउँदछ ।

रमेश विष्ट
महासचिव