मितिः २०८१ कात्तिक १६ गते

नेपाल पत्रकार महासंघका केन्द्रीय सदस्य प्रदीप काफ्लेलाई मातृशोक परेको दुःखद् खबरले नेपाल पत्रकार महासंघ स्तब्ध र दुःखी भएको छ । उहाँकी ७६ वर्षीया ममतामयी आमा दीपकुमारी काफ्लेको हृदयघातका कारण बिहीबार राति ११ः३० बजे मणिपाल शिक्षण अस्पताल, पोखरामा उपचारको क्रममा निधन भएको हो । तनहुँको व्यास–३, दमौली निवासी स्वर्गीय काफ्लेका महासंघ केन्द्रीय सदस्य प्रदीप काफ्लेसहित तीन छोरा र तीन छोरी हुनुहुन्छ ।

नेपाल पत्रकार महासंघ स्वर्गीय आमाप्रति हार्दिक श्रद्धाञ्जली अर्पण गर्दछ र उहाँको आत्माको चिरशान्तिको कामना गर्दछ । साथै, शोकको यस घडी महासंघ केन्द्रीय सदस्य प्रदीप काफ्लेसहित शोकसन्तप्त परिवारजनमा धैर्यधारण गर्ने शक्ति प्राप्त होस भन्ने कामना गर्दै गहिरो समवेदना व्यक्त गर्दछ ।

रोसन पुरी

महासचिव